04-Nov-2025

             ବିଶାଖାପାଟଣାମ୍(ପିଆର) ନାଗରିକ ଉନ୍ନୟନ ମନ୍ତ୍ରୀ କିଞ୍ଜାରାପୁ ରାମମୋହନ ନାଇଡୁଙ୍କ ଅଧ୍ୟକ୍ଷତାରେ ପୂର୍ବତଟ ରେଳପଥ (EcoR) ଅଧୀନରେ ୱାଲଟିୟର ଡିଭିଜନ ପାଇଁ ଡିଭିଜନାଲ କମିଟିର ଏକ ବୈଠକ ବିଶାଖାପାଟମ୍ ଠାରେ ଆଜି ୪ ନଭେମ୍ବରରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପୂର୍ବତଟ ରେଳର ତ୍ୱରାନ୍ୱିତ ହେଉଥିବା ପ୍ରମୁଖ ରେଳ ପ୍ରକଳ୍ପର ବିକାଶମୂଳକ କାର୍ଯ୍ୟ ଏବଂ ଅଞ୍ଚଳରେ ସଂଯୋଗ ତଥା ଯାତ୍ରୀମାନଙ୍କ ସୁବିଧା ବୃଦ୍ଧି କରିବା ପାଇଁ ନିର୍ଦ୍ଧାରିତ ହୋଇଥିବା ଆଗାମୀଦିନର ପଦକ୍ଷେପଗୁଡ଼ିକର ସମୀକ୍ଷା କରାଯାଇଥିଲା। ଏହି ସମୀକ୍ଷା ବୈଠକରେ କୋରାପୁଟ ଲୋକସଭା ସାଂସଦ ତଥା ଗ୍ରାମାଞ୍ଚଳ ବିକାଶ ଓ ପଞ୍ଚାୟତିରାଜ ଷ୍ଟାଣ୍ଡିଂ କମିଟି ଅଧ୍ୟକ୍ଷ ସପ୍ତଗିରି ଶଙ୍କର ଉଲ୍ଲକା ଯୋଗଦେଇ ନିମ୍ନ କାର୍ଯ୍ଯଗୁଡିକ କାର୍ଯ୍ଯକ୍ଷମ କରିବା ପାଇଁ ପ୍ରସ୍ତାବ ଆଗତ କରିଥିଲେ |  
             ବୈଠକରେ ନିମ୍ନ ବିଷୟଗୁଡ଼ିକ ଉପରେ ଆଲୋଚନା କରାଯାଇଥିଲା | ସେଗୁଡି ହେଲା  ରାୟଗଡ଼ା ରେଳପଥ ଡିଭିଜନର ପ୍ରତିଷ୍ଠା, ରାୟଗଡ଼ାରେ ଡିଭିଜନାଲ ରେଳ ପ୍ରବନ୍ଧକ (DRM) କାର୍ଯ୍ୟାଳୟର ପ୍ରତିଷ୍ଠା ଏବଂ ରାୟଗଡ଼ା ରେଳପଥ ଡିଭିଜନକୁ ଆନୁଷ୍ଠାନିକ ଭାବରେ କାର୍ଯ୍ୟକ୍ଷମ କରାଯାଇଛି। ସମସ୍ତ ସମ୍ପୃକ୍ତ ଭିତ୍ତିଭୂମି ବିକାଶ କାର୍ଯ୍ୟ ନିର୍ଦ୍ଧାରିତ ସମୟ ଅନୁଯାୟୀ ଚାଲିଛି ଏବଂ ଡିସେମ୍ବର ୨୦୨୬ ସୁଦ୍ଧା ସମାପ୍ତ ହେବାର ଲକ୍ଷ୍ୟ ରଖାଯାଇଛି। ଅନୁମୋଦିତ ବିସ୍ତୃତ ପ୍ରକଳ୍ପ ରିପୋର୍ଟ (DPR) ଅନୁଯାୟୀ, ରାୟଗଡ଼ା ରେଳ ଡିଭିଜନର ପ୍ରସ୍ତାବିତ  କ୍ଷେତ୍ରାଧିକାରରେ ଆପାତତଃ ନିମ୍ନଲିଖିତ ବିଭାଗଗୁଡ଼ିକ ଅନ୍ତର୍ଭୁକ୍ତ। କୋଟ୍ଟାଭାଲସା (ଆରାକୁ) – କୋରାପୁଟ – କିରାଣ୍ଡୁଲ ଲାଇନ, କୋରାପୁଟ – ରାୟଗଡା ଲାଇନ,  ଗୁଣୁପୁର – ଥେରୁବାଲି ଲାଇନ, ଗୋପାଳପୁର – ସିଂହପୁର ରୋଡ଼  ଲାଇନ, ରାୟଗଡ଼ା – ପାର୍ବତୀପୁରମ ସେକ୍ସନ, ପୂର୍ବତଟ ରେଳପଥ (ECoR)ର ମହାପ୍ରବନ୍ଧକ, ବିସ୍ତୃତ ପ୍ରକଳ୍ପ ରିପୋର୍ଟର ଅନୁମୋଦିତ ଡିଭିଜନାଲ ସୀମା ମାନଚିତ୍ର ବିଷୟରେ ଅବଗତ କରାଇବେ।
ପ୍ରମୁଖ ପ୍ରକଳ୍ପଗୁଡ଼ିକର ଅଗ୍ରଗତି ତଦାରଖ କରିବା ପାଇଁ ରାୟଗଡ଼ା ଡିଭିଜନାଲ ସମୀକ୍ଷା କମିଟି ବୈଠକ ଖୁବ୍ ଶୀଘ୍ର ଡକାଯିବ। ରାୟଗଡ଼ାରେ ନିୟନ୍ତ୍ରଣ ୟୁନିଟ୍ ମାର୍ଚ୍ଚ ୨୦୨୬ ସୁଦ୍ଧା ସମାପ୍ତ ହେବାର ଯୋଜନା ରହିଛି।
ଦ୍ବିତୀୟ ଗୁଣୁପୁର – ଥେରୁଭାଲି ରେଳ ଲାଇନ ପ୍ରକଳ୍ପ,  ବର୍ତ୍ତମାନ ଭୂମି ଅଧିଗ୍ରହଣ ଚାଲିଛି।
           ଡବଲ୍ ଲାଇନ କାର୍ଯ୍ୟ ପାଇଁ ଅନୁମୋଦନ ପ୍ରଦାନ କରାଯାଇଛି। ତୃତୀୟ ଗୋପାଳପୁର – ସିଙ୍ଗାପୁର ରୋଡ୍ ରେଳ ଲାଇନ ପ୍ରକଳ୍ପ | ପୂର୍ବତଟ ରେଳପଥର ମହାପ୍ରବନ୍ଧକ, ସମୟୋଚିତ କାର୍ଯ୍ୟାନ୍ୱୟନ ପାଇଁ ପୂର୍ଣ୍ଣ ସହଯୋଗ ଓ ପ୍ରତିଶ୍ରୁତି ପ୍ରଦାନ କରିଛନ୍ତି ।
ଚତୁର୍ଥ ଟ୍ରେନ୍ ରହଣି, କୋଭିଡ-୧୯ ସମୟ ପୂର୍ବରୁ କାର୍ଯ୍ୟକ୍ଷମ ସମସ୍ତ ଟ୍ରେନ୍ ଅଟକିବା ସ୍ଥାନ ଗୁଡ଼ିକୁ ପୁନଃସ୍ଥାପିତ କରିବା ଉପରେ ଗୁରୁତ୍ୱ ଦିଆଯାଇଛି । ଜିମିଡ଼ିପେଟା: ପୂର୍ବତଟ ରେଳପଥର ପ୍ରବନ୍ଧକଙ୍କ ଦ୍ୱାରା ରେଳ ବୋର୍ଡ଼କୁ ଟ୍ରେନ ଅଟକିବା ପାଇଁ ଅନୁରୋଧ କରାଯିବ ସିଙ୍ଗାପୁର ରୋଡ଼ : ସମସ୍ତ ବିଚାରାଧୀନ ଅନୁରୋଧଗୁଡ଼ିକୁ ପ୍ରାଥମିକତା ଦିଆଯାଉଛି; ଅନେକ ପୂର୍ବରୁ ରେଳ ବୋର୍ଡ଼କୁ ପଠାଯାଇଛି। କାକରିଗୁମ୍ମା ରୋଡ଼ : ପ୍ରସ୍ତାବଟି ରେଳ ବୋର୍ଡ଼କୁ ପଠାଯାଇଛି ଏବଂ ସକ୍ରିୟ ଭାବରେ ଅନୁସରଣ କରାଯିବ।
          ପୂର୍ବତଟ ରେଳପଥର ପ୍ରବନ୍ଧକଙ୍କ ଦ୍ୱାରା ସମସ୍ତ ବୈଧ ଅଟକିବା ଅନୁରୋଧଗୁଡ଼ିକୁ ସମୀକ୍ଷା କରାଯାଇ  ସେଗୁଡ଼ିକୁ ରେଳ ବୋର୍ଡ଼କୁ ପଠାଯିବ ମୁଁ ଏହି ପ୍ରସଙ୍ଗଗୁଡ଼ିକୁ ଶୀଘ୍ର ସମାଧାନ ସମ୍ବନ୍ଧରେ ସଂସଦରେ ଆଲୋଚନା କରିବି। ଅମୃତ ଭାରତ ଷ୍ଟେସନ ଯୋଜନା, ଜୟପୁର, କୋରାପୁଟ, ଗୁଣୁପୁର, ଦାମନଯୋଡ଼ି, ରାୟଗଡ଼ା ଏବଂ ଅମୃତ ଭାରତ ଷ୍ଟେସନ ଯୋଜନା ଅଧୀନରେ ଅନୁମୋଦିତ ଅନ୍ୟାନ୍ୟ ଷ୍ଟେସନରେ ବିକାଶ କାର୍ଯ୍ୟ ଶୀଘ୍ର ସମାପ୍ତ କରିବା ପାଇଁ ଯୋଜନା ପ୍ରସ୍ତୁତ କରାଯିବ।
ଷଷ୍ଠ ନୂତନ ଟ୍ରେନ୍ ପ୍ରସ୍ତାବ ଜୟପୁର-କୋରାପୁଟ-ରାୟଗଡ଼ା-ଭୁବନେଶ୍ୱରକୁ ସଂଯୋଗ କରୁଥିବା ଏକ ନୂତନ ଦିବାକାଳୀନ ଟ୍ରେନ୍ ସେବା ପ୍ରଚଳନ ପାଇଁ ଏକ ପ୍ରସ୍ତାବ ଦିଆଯାଇଥିଲା। ପୂର୍ବତଟ ରେଳପଥର ପ୍ରବନ୍ଧକ ଏହି ସେବାର ଗୁରୁତ୍ୱକୁ ସ୍ୱୀକାର କରିଥିଲେ ଏବଂ ଆଶ୍ୱାସନା ଦେଇଥିଲେ ଯେ ମଞ୍ଜୁରୀ ପାଇଁ ମନ୍ତ୍ରଣାଳୟକୁ ଏକ ଆନୁଷ୍ଠାନିକ ପ୍ରସ୍ତାବ ପ୍ରଦାନ କରାଯିବ।
           ସପ୍ତମ ଯାତ୍ରୀବାହୀ ଟ୍ରେନ୍ ପରିଚାଳନା ମାଲବାହୀ ଟ୍ରେନ୍ ଅପେକ୍ଷା ଯାତ୍ରୀବାହୀ ଟ୍ରେନ୍‌ଗୁଡ଼ିକୁ ପ୍ରାଥମିକତା ଦିଆଯିବା ଉପରେ ଗୁରୁତ୍ୱ ଦିଆଯାଉ। ଯେଉଁଠାରେ ସମ୍ଭବ, ଯାତ୍ରୀଙ୍କ ସୁବିଧା ପାଇଁ ଯାତ୍ରୀବାହୀ ଟ୍ରେନ୍‌ଗୁଡ଼ିକ ପ୍ଲାଟଫର୍ମ ନମ୍ବର ୧ କିମ୍ବା ୨ରେ ଅଟକିବା ଉଚିତ।
ଅଷ୍ଟମ ଭଡ଼ା ଏବଂ ରିହାତି, କମିଟି ଟ୍ରେନଭଡ଼ା ରିହାତିର ପୁନଃସ୍ଥାପନ ଏବଂ ସଂଶୋଧନ ପାଇଁ ଅନୁରୋଧ କରିଥିଲା:  ବରିଷ୍ଠ ନାଗରିକ: କୋଭିଡ-୧୯ ପୂର୍ବରୁ ଉପଲବ୍ଧ ରିହାତିର ପୁନଃସ୍ଥାପନ। ସାମ୍ବାଦିକ/ପ୍ରେସ୍ କର୍ମଚାରୀ: ପ୍ରେସ୍ ଯାତ୍ରା ରିହାତିର ପୁନଃସ୍ଥାପନ। କ୍ରୀଡାବିତ୍: ଯାତ୍ରା ରିହାତିର ପୁନଃସ୍ଥାପନ। ହାଇ-ସ୍ପିଡ୍ ଟ୍ରେନ୍: ଯାତ୍ରାକୁ ଅଧିକ ସୁଲଭ କରିବା ପାଇଁ ବନ୍ଦେ ଭାରତ ଏବଂ ଅନ୍ୟାନ୍ୟ ପ୍ରିମିୟମ୍ ଏକ୍ସପ୍ରେସ୍ ଟ୍ରେନ୍ ପାଇଁ ଭଡ଼ାର ସମୀକ୍ଷା ଏବଂ ଯୁକ୍ତିଯୁକ୍ତୀକରଣ ହୋଇଥିଲା ।