07-May-2026

ପାଟଣା, ବିହାର ରାଜନୀତିରେ ଏକ ବଡ ପରିବର୍ତ୍ତନ ହେବାକୁ ଯାଉଛି | ଆଜି 7 ମଇ 2026 ବିହାରରେ ନୂତନ ମନ୍ତ୍ରୀମଣ୍ଡଳର ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଯାଇଛି। ଏହି ଶପଥ ଗ୍ରହଣ ସମାରୋହରେ କଣ ଦେଖିବାକୁ ପାଇବେ ଓ କଣ ଜାଣିବେ ସେଥିରୁ ଆମେ କିଛି ଏଠାରେ ଉଲ୍ଲେଖ କରିଛୁ ଏବଂ ଭିଡିଓଟିକୁ ଦେଖିଲେ ବିହାର ରାଜନୀତିର ସମିକରଣ ସମ୍ପର୍କରେ ଜାଣିବାରିବେ |
ନମସ୍କାର ଦର୍ଶକ ବନ୍ଧୁ, ଜିଟିଭି ଭାରତ ଓଡିଆ ନ୍ଯୁଜ ଚାନେଲକୁ ଆପଣଙ୍କୁ ସ୍ବାଗତ କରୁଛି ମୁଁ ରାମଦାସ, ଆପଣ ଦେଖୁଛନ୍ତି ଆଜିର ସବୁଠାରୁ ବଡ଼ ରାଜନୈତିକ ଖବର। ବିହାର ରାଜନୀତିରେ ଆଜି ଏକ ନୂଆ ସୂର୍ଯ୍ୟୋଦୟ ହୋଇଛି। ପାଟନାର ଐତିହାସିକ ରାଜଭବନ ପରିସରରେ ଆଜି ବିହାରର ନୂତନ ମନ୍ତ୍ରୀମଣ୍ଡଳ ଶପଥ ଗ୍ରହଣ କରିଛନ୍ତି। ରାଜ୍ୟପାଳଙ୍କ ଦ୍ୱାରା ମୁଖ୍ୟମନ୍ତ୍ରୀଙ୍କ ସମେତ  କିଏ କିଏ ଏହି ତାଲିକାରେ ଅଛନ୍ତି, କେଉଁ ସମୀକରଣକୁ ନେଇ ଏହି ମନ୍ତ୍ରୀମଣ୍ଡଳ ଗଠନ ହୋଇଛି, ସେ ସମ୍ପର୍କରେ ଆମେ ଆପଣଙ୍କୁ ଦେବୁ ସମ୍ପୂର୍ଣ୍ଣ ବିବରଣୀ।
ଶପଥ ଗ୍ରହଣ ସମାରୋହର ଦୃଶ୍ୟ ଦେଖନ୍ତୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ସାହା, ରକ୍ଷାମନ୍ତ୍ରୀ ରାଜନାଥ ସିଂ, ସ୍ବାସ୍ଥ୍ଯମନ୍ତ୍ରୀ ଜେପି ନଡ୍ଡା ପ୍ରମୁଖ ଯୋଗଦେଇଥିବା ବେଳେ ବିହାରର ପୂର୍ବତନ ମୁଖ୍ଯମନ୍ତ୍ରୀ ନିତିଶ କୁମାର ପ୍ରମୁଖ ଏହି ସମାରୋହରେ ଯୋଗଦେଇଛନ୍ତି | ଏଠି କୁହାଯାଇପାରେ ନିତିଶ କୁମାରଙ୍କ ଡାଉନଫଲ୍ ସୁରୁ (ଆରମ୍ଭ) କାରଣ ଏଥି ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯେବେ ନିତିଶ କୁମାର ଙ୍କୁ ଭେଟିଛନ୍ତି ସେତେବେଳେ ପ୍ରଥମେ ନିଜ ଆଡୁ ହାତ ଲମ୍ବାଇ ହାତକୁ ହାତ ମିଶାଉଥିଲେ କିମ୍ବା ଆଲିଙ୍ଗନ କରୁଥିଲେ କିନ୍ତୁ ଆଜି ସଭା ଉପରକୁ ଯାଇ ନିଜ ଆଡୁ ହାତ ଲମ୍ବାଇ ପ୍ରଧାନମନ୍ତ୍ରୀଙ୍କୁ ଆଲିଙ୍ଗନ କରିବାକୁ ଚେଷ୍ଟା କରୁଥିବା ବେଳେ ପ୍ରଧାନ ମନ୍ତ୍ରୀ ତାଙ୍କୁ ଅଣଦେଖା କରିବା ସଦୃଶ୍ଯ ଯାହା ଏହି ଛବିରୁ ଜଣାପଡୁଛି |
ଖବର, ଆଜି ଅପରାହ୍ନ ପ୍ରାୟ ୧୨ଟା ୩୦ ମିନିଟ୍ ସମୟରେ ପାଟନା ରାଜଭବନର ରାଜେନ୍ଦ୍ର ମଣ୍ଡପଠାରେ ଏହି ଭବ୍ୟ ସମାରୋହ ଆୟୋଜିତ ହୋଇଥିଲା। ରାଜ୍ୟପାଳ ନୂତନ ମନ୍ତ୍ରୀମଣ୍ଡଳକୁ ଶପଥ ପାଠ କରାଇଥିଲେ। ପ୍ରଥମେ ମୁଖ୍ୟମନ୍ତ୍ରୀ ଏବଂ ତାଙ୍କ ପରେ ଦୁଇ ଉପ-ମୁଖ୍ୟମନ୍ତ୍ରୀ ଶପଥ ନେଇଥିଲେ। ସମଗ୍ର କାର୍ଯ୍ୟକ୍ରମରେ ବିଭିନ୍ନ ରାଜନୈତିକ ଦଳର ବରିଷ୍ଠ ନେତା, ସାଂସଦ ଏବଂ ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ।
ଚଳିତ ଥର ବିହାର ମନ୍ତ୍ରୀମଣ୍ଡଳରେ ଜାତିଗତ ଏବଂ ଆଞ୍ଚଳିକ ସମୀକରଣକୁ ବିଶେଷ ଭାବେ ଧ୍ୟାନ ଦିଆଯାଇଛି। ଆଜି ଶପଥ ନେଇଥିବା ୩୧ ଜଣ ମନ୍ତ୍ରୀଙ୍କ ମଧ୍ୟରୁ କ୍ୟାବିନେଟ୍ ମନ୍ତ୍ରୀ ୨୦ ଜଣ, ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ୭ ଜଣ, ରାଷ୍ଟ୍ରମନ୍ତ୍ରୀ ୪ ଜଣ |
ଏହି ମନ୍ତ୍ରୀମଣ୍ଡଳରେ ସୀମାଞ୍ଚଳ, ମିଥିଳାଞ୍ଚଳ ଏବଂ ମଗଧ କ୍ଷେତ୍ରର ପ୍ରତିନିଧିତ୍ୱକୁ ସନ୍ତୁଳିତ କରାଯାଇଛି। ବିଶେଷ କରି ଓବିସି (OBC) ଏବଂ ଇବିସି (EBC) ବର୍ଗରୁ ସର୍ବାଧିକ ଚେହେରାଙ୍କୁ ସ୍ଥାନ ମିଳିଛି।
ନୂତନ ମନ୍ତ୍ରୀମଣ୍ଡଳରେ ୫ ଜଣ ମହିଳାଙ୍କୁ ସ୍ଥାନ ଦିଆଯାଇଛି, ଯାହା ମହିଳା ସଶକ୍ତିକରଣ ଦିଗରେ ଏକ ବଡ଼ ପଦକ୍ଷେପ ବୋଲି କୁହାଯାଉଛି। ଏଥିସହ ପ୍ରଥମ ଥର ପାଇଁ ବିଧାୟକ ହୋଇଥିବା କିଛି ଯୁବ ନେତାଙ୍କୁ ମଧ୍ୟ ମନ୍ତ୍ରୀ ପଦ ମିଳିଛି, ଯାହା ପ୍ରଶାସନରେ ନୂତନ ଚିନ୍ତାଧାରା ଆଣିବାରେ ସହାୟକ ହେବ।
ବିହାରର ଏହି ନୂଆ ସରକାର ସମ୍ମୁଖରେ ରହିଛି ଅନେକ ଆହ୍ୱାନ। ଶିକ୍ଷା, ସ୍ୱାସ୍ଥ୍ୟ ଏବଂ ନିଯୁକ୍ତି କ୍ଷେତ୍ରରେ ରାଜ୍ୟକୁ ଆଗକୁ ନେବା ପାଇଁ ଏହି ଟିମ୍ ଗଠନ କରାଯାଇଛି। ମୁଖ୍ୟମନ୍ତ୍ରୀଙ୍କ ବିଶ୍ୱସ୍ତ ସହଯୋଗୀଙ୍କ ସହ ବିରୋଧୀଙ୍କୁ ମଧ୍ୟ କଡ଼ା ଟକ୍କର ଦେଇପାରୁଥିବା ରଣନୀତିଜ୍ଞଙ୍କୁ ଏହି ମନ୍ତ୍ରୀମଣ୍ଡଳରେ ସ୍ଥାନ ଦିଆଯାଇଥିବା କୁହାଯାଉଛି। ଖୁବଶୀଘ୍ର ବିଭାଗ ବଣ୍ଟନ ହେବାକୁ ଥିବାବେଳେ, ଗୃହ ବିଭାଗ ଏବଂ ଅର୍ଥ ବିଭାଗ କାହା ପାଖକୁ ଯାଉଛି, ତାହା ଉପରେ ସମସ୍ତଙ୍କ ନଜର ରହିଛି।
"ଆଜିର ଶପଥ ଗ୍ରହଣରୁ ସ୍ପଷ୍ଟ ଜଣାପଡୁଛି ଯେ ସରକାର ୨୦୨୯ ସାଧାରଣ ନିର୍ବାଚନ ପୂର୍ବରୁ ନିଜର ଭୋଟ୍ ବ୍ୟାଙ୍କକୁ ସୁରକ୍ଷିତ ରଖିବାକୁ ଚାହୁଁଛନ୍ତି। ୩୧ ଜଣିଆ ମନ୍ତ୍ରୀମଣ୍ଡଳରେ ଦଳିତ ଏବଂ ସଂଖ୍ୟାଲଘୁ ସମୁଦାୟଙ୍କୁ ଉଚିତ୍ ସମ୍ମାନ ମିଳିଛି। ଏହା କେବଳ ଏକ ମନ୍ତ୍ରୀମଣ୍ଡଳ ନୁହେଁ, ବରଂ ଏକ ରାଜନୈତିକ ସନ୍ତୁଳନ ବୋଲି ବିସ୍ଲେଶକ ମତଦେଉଛନ୍ତି ।"
ତେବେ ଦେଖିବାକୁ ବାକି ରହିଲା, ଏହି ନୂଆ ଟିମ୍ ବିହାରବାସୀଙ୍କ ଆଶା ଓ ବିଶ୍ୱାସକୁ କେତେଦୂର ପୂରଣ କରିପାରୁଛନ୍ତି। ଆଜି ସନ୍ଧ୍ୟାରେ ପ୍ରଥମ କ୍ୟାବିନେଟ୍ ବୈଠକ ବସିବାର ସମ୍ଭାବନା ରହିଛି, ଯେଉଁଠାରେ କିଛି ବଡ଼ ନିଷ୍ପତ୍ତି ନିଆଯାଇପାରେ।