26-May-2024
ମାଲଦ୍ଵୀପ ସହିତ ମୁକ୍ତ ବାଣିଜ୍ୟ ଚୁକ୍ତି କରିବାକୁ ଚାହୁଁଛି ଭାରତ
ମାଲେ: ମାଳଦ୍ୱୀପ କହିଛି ଯେ ଦୁଇ ଦେଶ ମଧ୍ୟରେ ମୁକ୍ତ ବାଣିଜ୍ୟ ଚୁକ୍ତି ପାଇଁ ଭାରତ ଉଦ୍ୟମ ଆରମ୍ଭ କରିଛି ଏବଂ ଏହି ଲକ୍ଷ୍ୟ ହାସଲ ପାଇଁ ଆଲୋଚନା ମଧ୍ୟ ଚାଲିଛି। ରାଷ୍ଟ୍ରପତି ମହମ୍ମଦ ମୁଇଜ୍ଜୁଙ୍କର ଆର୍ଥିକ ବିକାଶ ଏବଂ ବାଣିଜ୍ୟ ମନ୍ତ୍ରୀ ମହମ୍ମଦ ସୟିଦ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଭାରତ ଦକ୍ଷିଣ ଏସୀୟ ମୁକ୍ତ ବାଣିଜ୍ୟ ଚୁକ୍ତି ବ୍ୟତୀତ ମାଲଦ୍ୱୀପ ସହିତ ପୃଥକ ମୁକ୍ତ ବାଣିଜ୍ୟ ଚୁକ୍ତି ଚାହୁଁଛି।ସଇଦ କହିଛନ୍ତି ମାଲଦ୍ୱୀପର ରାଷ୍ଟ୍ରପତି ସମସ୍ତ ଦେଶକୁ ଏହି ସୁଯୋଗ ଦେଇଛନ୍ତି ଏବଂ ଅଧିକରୁ ଅଧିକ ଦେଶ ସହ ଚୁକ୍ତିନାମା ସ୍ୱାକ୍ଷର କରିବାକୁ ସରକାର ଲକ୍ଷ୍ୟ ରଖିଛନ୍ତି, ଯାହା ଦ୍ବାରା ବାଣିଜ୍ୟିକ କାର୍ଯ୍ୟକଳାପ ସହଜ ହୋଇପାରିବ।ଗତ ବର୍ଷ ନଭେମ୍ବରରୁ ଦୁଇ ଦେଶ ମଧ୍ୟରେ ଚାଲିଥିବା କୂଟନୈତିକ ବିବାଦର ପୃଷ୍ଠଭୂମିରେ ମାଲଦ୍ୱୀପ ସହ ଏଫଟିଆର ଦାବି କରିବାକୁ ଭାରତର ଉଦ୍ୟମ ସମ୍ପର୍କରେ ରିପୋର୍ଟ ପ୍ରକାଶ ପାଇଛି। ଚୀନ୍ ସମର୍ଥକ ଆଭିମୁଖ୍ୟ ପାଇଁ ଜଣାଶୁଣା ରାଷ୍ଟ୍ରପତି ମୁଇଜ୍ଜୁ ଗତ ବର୍ଷ ନଭେମ୍ବରରେ ଶପଥ ଗ୍ରହଣ କରିଥିଲେ।ସୂଚନାଯୋଗୃ, ଭାରତ ଏବଂ ମାଲଦ୍ୱୀପ ମଧ୍ୟରେ ୧୯୮୧ ବାଣିଜ୍ୟ ଚୁକ୍ତି ଅତ୍ୟାବଶ୍ୟକ ଦ୍ରବ୍ୟ ରପ୍ତାନି ପାଇଁ ସୁଯୋଗ ପ୍ରଦାନ କରିଥାଏ। ରେକର୍ଡ ଅନୁସାରେ ଭାରତ-ମାଳଦ୍ୱୀପ ଦ୍ୱିପାକ୍ଷିକ ବାଣିଜ୍ୟ ୨୦୨୧ ମସିହାରେ ପ୍ରଥମ ଥର ପାଇଁ ୩୦୦ ନିୟୁତ ଡଲାର ଅତିକ୍ରମ କରି ୨୦୨୨ ମସିହାରେ ୫୦୦ ନିୟୁତ ଡ଼ଲାରରେ ପହଞ୍ଚିଥିଲା। ତେବେ ପରବର୍ତ୍ତୀ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମନ୍ତବ୍ୟ ନେଇ ଦୁଇ ଦେଶ ମଧ୍ୟରେ ବାକ୍ ଯୁଦ୍ଧ ଯୋଗୁ ଦ୍ୱିପାକ୍ଷିକ ବାଣିଜ୍ୟରେ ସମସ୍ୟା ଦେଖାଦେଇଛି।
ବ୍ୟୁରୋ ରିପୋର୍ଟ ଜିଟିଭି ଭାରତ ଓଡ଼ିଆ।
113
