30-May-2024

ନୂଆଦିଲ୍ଲୀ: ଦେଶରେ ଭିଭିଆଇପି ସୁରକ୍ଷା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ଦ୍ୱାରା ଏକ ନୂତନ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି। ଏହି ପରିପ୍ରେକ୍ଷୀରେ ନର୍ଥ ବ୍ଲକରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ଅନେକ ଘଣ୍ଟା ଧରି ଚାଲିଥିବା ଏହି ବୈଠକରେ CRPF ଡିଜି ଅନିଶ ଦୟାଲ ସିଂ, ଏନଏସଜି ଡିଜି ନଲିନ ପ୍ରଭାତ ଏବଂ ଆଇବି ସହ ଜଡିତ ଅଧିକାରୀମାନେ ଅଂଶଗ୍ରହଣ କରିଥିଲେ।ବିଶ୍ବସ୍ତ ସୂତ୍ର ଅନୁଯାୟୀ ସଂସଦର ସୁରକ୍ଷା ପାଇଁ ନିୟୋଜିତ CRPF ର ଯବାନଙ୍କୁ ପାର୍ଲିଆମେଣ୍ଟ ଡ୍ୟୁଟି ଗ୍ରୁପ୍ (PDG)ରୁ ହଟାଯିବା ପରେ ବର୍ତ୍ତମାନ ଭିଭିଆଇପି ସୁରକ୍ଷାରେ ଏକ ବଡ ପରିବର୍ତ୍ତନ କରାଯିବ। ପ୍ରସ୍ତୁତ ହୋଇଥିବା ନୂତନ ସିଷ୍ଟମରେ, NSG କୁ ଭିଆଇପିଙ୍କ ସୁରକ୍ଷାଠାରୁ ସମ୍ପୂର୍ଣ୍ଣ ହଟାଇ ଦିଆଯିବ। NSG ର ଭିଆଇପି ସୁରକ୍ଷା ୟୁନିଟ୍, ସ୍ପେଶାଲ୍ ରେଞ୍ଜର୍ ଗ୍ରୁପ୍ (SRG) ର ଡ୍ୟୁଟି ସମ୍ପୂର୍ଣ୍ଣ ରୂପେ CRPF ର VIP ସୁରକ୍ଷା ୟୁନିଟ୍କୁ ଦିଆଯିବ।ସୂତ୍ରରୁ ପ୍ରକାଶ ଯେ ଗୃହ ମନ୍ତ୍ରଣାଳୟରେ ଅନୁଷ୍ଠିତ ବୈଠକରେ ଅନେକ ବିଷୟ ଉପରେ ଆଲୋଚନା କରାଯାଇଥିଲା। CRPF ବ୍ୟତୀତ ଅନ୍ୟ କେନ୍ଦ୍ରୀୟ ବାହିନୀ ପାଇଁ ଭିଆଇପି ସୁରକ୍ଷା କ୍ଷେତ୍ରରେ ନିୟୋଜିତ ମିଳିତ ନୀତି ପ୍ରସ୍ତୁତ କରିବା ଉପରେ ଆଲୋଚନା ହୋଇଛି। ବର୍ତ୍ତମାନ ପର୍ଯ୍ୟନ୍ତ, ଅଧିକାଂଶ NSG, CRPF, CISF ଏବଂ ITBP କର୍ମଚାରୀମାନେ VIP ସୁରକ୍ଷା କ୍ଷେତ୍ରରେ ନିୟୋଜିତ ଅଛନ୍ତି। ପ୍ରଧାନମନ୍ତ୍ରୀଙ୍କ ସୁରକ୍ଷା ଦାୟିତ୍ବ '' ଏସପିଜି ଉପରେ ରହିଛି। ଏସପିଜିରେ ଅଧିକାଂଶ ସୈନିକ କେନ୍ଦ୍ରୀୟ ପାରାମିଲିଟାରୀ ଫୋର୍ସରୁ ଆସିଛନ୍ତି। ପାଞ୍ଚ ବର୍ଷ ପୂର୍ବେ ଅନେକ ଭିଭିଆଇପିଙ୍କ ସୁରକ୍ଷା ସ୍ପେଶାଲ୍ ପ୍ରୋଟେକ୍ସନ୍ ଗ୍ରୁପ୍ 'ଏସପିଜି' ସହିତ ଥିଲା, ତାଙ୍କ ସୁରକ୍ଷା ମଧ୍ୟ CRPF କୁ ହସ୍ତାନ୍ତର କରାଯାଇଥିଲା ।ବର୍ତ୍ତମାନ ଭିଆଇପି ସୁରକ୍ଷା ଦାୟିତ୍ୱ ନ୍ୟାସନାଲ ସିକ୍ୟୁରିଟି ଗାର୍ଡ (NSG) ଠାରୁ ଫେରାଇ ନିଆଯାଉଛି।ଏବେ ସିଆରପିଏଫ୍ର PDG ସ୍କ୍ବାର୍ଡର ପରିସର ବୃଦ୍ଧି କରାଯାଇପାରେ।ଏହାର କାରଣ ହେଉଛି PDG ବର୍ତ୍ତମାନ ସଂସଦର ଡ୍ୟୁଟିରୁ ମୁକ୍ତ କରି ଦିଆଯାଇଛି। NSG ର VIP ସୁରକ୍ଷା ୟୁନିଟ୍, ସ୍ପେଶାଲ୍ ରେଞ୍ଜର୍ ଗ୍ରୁପ୍ (SRG) ର କର୍ତ୍ତବ୍ୟ ଡ୍ୟୁଟି ରୂପେ CRPF ର VIP ସୁରକ୍ଷା ୟୁନିଟ୍କୁ ଦିଆଯିବ ।ଏହାର ମୂଳ କାର୍ଯ୍ୟର ନିର୍ଦ୍ଦିଷ୍ଟ ଦାୟିତ୍ବ ଅର୍ଥାତ୍ ଆତଙ୍କବାଦ ବିରୋଧୀ ତଥା ଅପହରଣ ବିରୋଧୀ ଅଭିଯାନର ଦାୟତ୍ବ ଦିଆଯିବ। NSG ଏହାର ମୂଳ ଚାର୍ଟର୍ ଏବଂ ଉଚ୍ଚ ବିପଦପୂର୍ଣ୍ଣ ଭିଆଇପିଙ୍କର ସୁରକ୍ଷା ଉପରେ ଧ୍ୟାନ ଦେବ।

   ବ୍ୟୁରୋ ରିପୋର୍ଟ ଜିଟିଭି ଭାରତ ଓଡ଼ିଆ।