02-Oct-2025

ଲଣ୍ଡନ : ବ୍ରିଟେନର କ୍ରମସଲରେ ଉତ୍ତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଛି । ଏହି ଆକ୍ରମଣରେ ୨ ଜଣ ଲୋକଙ୍କର ମୃତ୍ୟୁ ଘଟିଥିଲାବେଳେ ୪ ଜଣ ଆହତ ହୋଇଛନ୍ତି । ଏହି ଆକ୍ରମଣ ଜଣେ ଅଜଣା ବ୍ୟକ୍ତିଙ୍କ ଦ୍ବାରା ଘଟିଥିବା ପୋଲିସ ସୂତ୍ରରୁ ସୂଚନା ମିଳିଛି । ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ।ସୂଚନାନୁଯାୟୀ, ଏହି ଆକ୍ରମଣ ମାଞ୍ଚେଷ୍ଟର ସହରର ଉତ୍ତରରେ ଥିବା ଏକ ସିନାଗଗ ନିକଟରେ ଥିବା କ୍ରମସଲରେ ଘଟିଥିଲା।ଜଣେ ଅଜଣା ବ୍ୟକ୍ତି ସାର୍ବଜନୀନ ସ୍ଥାନରେ କାରରେ ଆସି ଜଣେ ବ୍ୟକ୍ତିଙ୍କୁ ଛୁରାମାଡ଼ କରିଥିଲେ । ପୋଲିସ ସକାଳ ୯ ଟା ୩୧ ମିନିଟ୍ ସମୟରେ କ୍ରମସଲର ମିଡଲଟନ ରୋଡରେ ଥିବା ହିଟନ ପାର୍କ ହିବ୍ରୁ ମଣ୍ଡଳୀ ସିନାଗଗର ଜଣେ ସଦସ୍ୟଙ୍କଠାରୁ ଏକ ଫୋନ୍ ପାଇଥିଲା । କିଛି ସମୟ ପରେ ସନ୍ଦିଗ୍ଧ ବ୍ୟକ୍ତିଙ୍କ ଉପରେ ପୋଲିସ ଅଧିକାରୀ ଗୁଳି ଚଲାଇଥିଲେ ।ଅନ୍ୟପଟେ ଏହି ଆକ୍ରମଣରେ ଆହତ ହୋଇଥିବା ବ୍ୟକ୍ତିଙ୍କୁ ତୁରନ୍ତ ହସ୍ପିଟାଲକୁ ପଠାଯାଇଥିଲା । ବର୍ତ୍ତମାନ ଚିକିତ୍ସା ଚାଲୁ ରହିଛି । ଗାଡ଼ି ଏବଂ ଛୁରୀ ମାଡ଼ରେ ୪ଜଣ ଆହତ ହୋଇଛନ୍ତି । ସମସ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି ସେହି ଅଞ୍ଚଳକୁ ନ ଯିବାକୁ ଅନୁରୋଧ କରାଯାଇଛି । ଏଥି ସହ ପୋଲିସ ତଦନ୍ତ ଆରମ୍ଭ କରିଛି ।

      ବ୍ୟୁରୋ ରିପୋର୍ଟ ଜିଟିଭି ଭାରତ ଓଡ଼ିଆ।